又有一段日子無見大家了，今日終於的起心肝更新食譜，嚟緊想拍埋YOUTUBE頻道(首先要拔走我條懶根)，希望大家多多支持！
今次呢個湯係我幾鍾意飲的一個湯，但平時都係出街飲，因為聽人講洗豬肺洗到痴線。咁啱疫情嚟到成日匿响屋企，所以我決定挑戰下呢個湯啦！ 原來又唔係想像中咁難，因為呢⋯⋯可以加少少錢叫個豬肉佬幫我洗下個豬肺，等十五分鐘就搞掂！ 但洗完個豬肺都幾重，抬返屋企都要D力水⋯⋯
食材(四人份):
豬肺一個($60)
豬骨($30)
雞腳6隻($20)
白果半碗($8)
南杏四兩，北杏一兩(約＄10)
金華火腿一小舊(大約兩隻手指咁大舊)(約＄10)
薑3片(約$1)
調味:
鹽1茶匙
做法:
(1) 豬肺叫豬肉佬幫你啤水至白，回來也要自己沖水洗乾淨，灌水入去再倒出來，重覆數次，然後切件
用白穫(不加油)炒至沒有出水為止，出水後倒了水再炒，之後加入薑片炒至乾身及微焦，備用。
(2) 白果浸水15分鐘，去衣及去芯，備用。
(3) 南北杏浸水15分鐘，(因為北杏有毒，所以千萬唔好弄錯份量)，用攪拌機攪成汁，再用豆漿隔或魚湯袋隔渣，備用。
(5) 放入所有材料(除了杏汁)，加2公升水，煲2小時，最後加入杏汁至湯翻熱，加鹽便可以飲用。
